Globoid - humørpillar på blå resept

Utselt, vurderar nytt opplag i 2026 Er det ikkje slik at vi engstar oss litt for mykje? Redde for å bli sjuke, redde for at nokon som står oss nære skal bli sjuke, vi søkjer etter sjukdom på nett, les overskrifter i avisene om sjukdom.  Eg bestemte meg for å ta for meg heile alfabetet og byrja med A. Jobba meg fram til Å, og brått hadde eg sjukdomsrelaterte dikt på alle bokstavane. Så har eg supplert etter å ha fått innspel frå folk, og plutseleg er dette blitt ei samling med små humørpillar mellom to permar. Alvoret er der i nokre av dikta. Men målet er heile tida å få deg til å sjå litt lysare på grå dagar. Eg merkar, når eg har opplesingar av desse av og til løgne og snåle dikta mine, at folk blir i godt humør. Og er ikkje godt humør god medisin, kanskje? – Arne Torget