Erlend Garatun Huus

Stør og sjampanjebrus – bygdebok for Bjølledalen

Bygdebokforfattaren losar lesaren fram til Bjøllestad, ei artig, men lite omtala industribygd i Hardanger. Mellom kultursoge, industrisoge, gardssoge og folkeminne stoggar vi opp ved nærportrett av levande og ikkje levande, tilbake- og framståande bjøllingar, slike som til dømes den usynlege Åsa Migrenen (1945–d.d.), fabelaktige Aslaug Sletta frå Medstrond (1960–d.d.), surpompen Magnhilds-Torsten Dalane (1928–d.d.), eller den briljante nederlandske sluseingeniøren Jan Kuuk (1898–1995). Utan meirkostnad for lesaren er boka utstyrt med personregister og matoppskrifter, i tillegg til ein kopi av «Bjøllosongen». 

– Treng me enno meir bygdetullball? Kynikarar, listige pengepugarar og brølaper i for trang dress vil nok svara eit rungande nei! Eg vil svara eit sømeleg ja. Blir ikkje denne boka liggjande under eit heilt plantefelt med plastgraner denne jula, då kjem eg alvorleg til å lura på folk.

Morten Holmefjord, Os&Fusaposten